—Olerti—

Zaindu dezagun

Aurraitz

Euskera maite!

Zure azken-kanta kantatzeko

garaia ote?

Yun naiz pozkidaz

Bizkaia igaroz Gipuzko zear;

Baztertu-ta ixil

ikusi dut urietan miñez,

erderape ie-il.

Txepelak etsi,

erdel-zaleen bultzadaz bai-doa

mendira igesi.

Auska gogorra!

Gure erruz ilgo ote zaigu izkuntza?

Ez! Ken negarra!

Ez zaitue ilko.

Zure berbiztea kantako dut

loa itzartzeko.

Arreba-anai: gert!

Gure endaren odol-iarioa

ezpaita alper.

Auskarako aul?

Arrotzei amor dagiona iguin,

etoi eta iñul.

Gal badadi izkuntz,

agur Enda, oitura ta Aberri...

Ezin geneza utz.

Naiz-ta arrotza anker,

Geurea aldezteko odola pilpil,

lor, neke naiz ler.