Euskaldunak izan gaitez

Bera'tar Bat

        1

Nago barrengo indarraz

Zuri jolastu bearrez,

Entzun nazazu mesedez:

Arrotz jendia maite dezagun

Jaungoikuan legian lez;

Bañan gogo ta biotzez,

Izkuntza eta egitez

Euskaldunak izan gaitez.

        2

Euskaldunaren izena

Ludi guztiyan barrena

Degu izenik onena

Burua gertu, biotza sendo,

Esan, ni naiz euskalduna,

Euskera degu aurrena

Aita eta amarena,

Beste guztiyek urrena.

        3

Gure euskera baztertzen

Ainbestereño sayatzen

Guri biziya samintzen,

Ikast-etxe eta etxe askotan

Jaunari diyot eskatzen

Kampora dute botatzen,

Jarrai ditala laguntzen

Gaxo oyeri barkatzen.

        4

Euskera naidet gozetan

Euskera arrats-aldetan

Baita gabaz ametsetan.

Euskera nai det bizi guztiko

Jardun eta tratuetan,

Euskera nai det gaztetan,

Euskera nai det zarretan,

Nai det azken otoitzetan.

        5

Euskal erriya goratzen

Bañere ez naz aspertzen

Biotzez baidet maitatzen.

Euskal erriko edertasunak

Begiyak dizkit betetzen,

Jartzen banaz oartutzen

Sarritan zait bururatzen

Zeruetan ote naizen.