—GERNIKA'rako—

Gutxikiñ poztu zaitia

Larramendi'tar Iñaki

Gaztetxo arro bateri

Abestiyak dizkat jarri

Buruaren apalgarri

Gogo ariñak zerten dakarren

Ikusten ditugu sarri,

Gaztetan farra ta firri

Ondorioan naiko larri

Zartzaroan negargarri.

Suge zitalak larretan,

Kurkulluak baratzetan.

Zomorro beltzak loretan.

Sortzen zaizkigun bide-gabiak

Etxe txiki ta aundiyetan

Gora-berak sendietan

Gaxotasunak askotan

Jartzen gaituzte neketan.

Negu gogorra igaro,

Uda berriya badago,

Uda zabala nayago.

Zure gogua ongi nayakiñ

Beti ametsetan dago.

Diru billa zabiltz bero,

Osasuna da lenago,

Gauza oberik eztago.

Osasuna badaukazu

Esker ona egiyozu,

Noizbait urrunduko zaitzu.

Ludi onetan gazi ta gozo

Ondo nastuak dituzu,

Gozo utsa nai badezu

Emen bian eztaukazu,

Goyan arkituko dezu.

Nere entzule maitia,

Zori onaren zalia

Entzun, zar baten ustia.

Alperrik dezu diruarekiñ

Ametsetan egotia,

Ola juango da astia,

Illabete eta urtia,

Gutxikiñ poztu zaitia.

Bera, 1950'garren urteko Abendua.