Ondarribi'ko alarguna

Bera'tar E.M. Aba

¿Ikusi al duzute

itsaso bazterrean

arratsalde guziro

arezko alkian

yarri dagun andria?

¿Zar ari ote dan an?

Orain bortz illa bete

gutxi gora beran

senarra ito zitzayon

izpazter orretan

antxe bera zagola

senarren aintziñan.

Geroztik beltz yantzia

ta agurtza eskuan

otoizka datorkio

bera ikusi nayan.

Alarguna: altxa zaite;

ez billa itsasuan

or eztagon senarra.

Zuk maite zenduan

notiñaren gorputza

arrayak yan zuan,

eta bere gogoa

goyan da aspaldian

Jaungoikoa'ren betiko

atsegintegian.