L I T E R A T U R   A L D I Z K A R I E N
G O R D A I L U A
 

 
 

                   - Orrialde nagusira itzuli
                   - Igela aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Igela-1 (1962-otsaila) —Hurrengo artikulua




 

 

Langillea kexu, beargina asarre

 

Hona Eibar-tik bidali diguten forjarien kantua. Pertso horiek irakurtzean Pio Baroja-ren, "La casa de Aizgorri" gororatu zait. Nobela hartan erretzen den ber sua pertsu horietan ikusten da eta ber ke-usaina dario.

 

                Gaur forjariak lanak utzi eta

                gatoz guztiok batera!

                Labia oso itzaldu gabe

                jaiegun bat egitera.

                Mallo, burdinzgo, gañerakuak

                botarikan bazterrera

                orregaitikan lanak utzita

                gatoz guztiok batera.

 

                Dinbi eta danba!

                deskantsu gabe

                su ta ke tartean

                sosegatu ere deskantsu gabe

                geure buruen kaltera,

                orregaitikan lanak utzi eta

                gatoz guztiok batera.

 

                Gora bai olak!

                Gora forjariak!

                Langille trebe, zintzo

                ta mallukariak,

                lurpera ta lurpera

                beti nagusiak,

                gure gaitik egin dituzte

                dituzten guztiak.

 

                Ez badigute ematen

                arrazoia guri,

                Sua emango diogu

                geure lantegiari

                eta nagusiaren

                etxe guztiari.

 

        (Eibar-en kantatzen zan. Bere doñu bereizi bat badu.)

 



Literatur Aldizkarien Gordailua Susa argitaletxearen egitasmoa da.