L I T E R A T U R   A L D I Z K A R I E N
G O R D A I L U A

 

 
 

                   - Orrialde nagusira itzuli
                   - Kandela aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Kandela-1 (1983-abendua) —Hurrengo artikulua




 

 

Tere Irastorza

 

Jakin behar huke

egunean bitan behintzat

hiltzen naizela.

:

haizea,

ilargiari eskegirik,

nere leiho eta gau bakarretatik sartzen

ez denean

eta hik

nere gorputza askatzen,

biharra urrats giharretan itsasten zaigunean,

amaitu gabeko arratsetan,

behintzat;

gero,

gainera,

hire izerdi garrak

nire hotzetan gorderik...

klisketan itzaltzean;

eta atzoko zaporezko

musu zilipurdikariak

iratzar aurreko

despertadorearen tinbre trumoizkoa

belarrietan trankatzean

ere bai,

batzutan.

 

 

 

Haizea eta txoria

herritik,

oxala ni zugandik;

oxala haize orraziak

banekar zure ilen espaloietatik;

oxala ilargi erreinua

balebil, zure, nere begi

puntetan;

oxala,

maitea.

Zure bakartatea nire ondoan eseririk

sentitzean,

oroimen,

formula majikoz

gure bakartateak jostean,

denboraren zirrietatik, zerra hortzak,

zeharkatuko ez balira,

gure musuak

infinitoaren katebegi

balira,

gugan.

 

 

 

Bular estuak hozkatzeko

txakurrak;

eta sokak

oin uhinak lotzeko.

 

ezpain barruan txingurriz mihia lotzeko

zigarroa

eta mundua

begiak kristalezko orratz izozteko.

 

baina gizonik ez,

metrailaz

sabela

sarkofagotzeko.

 



Literatur Aldizkarien Gordailua Susa argitaletxearen egitasmoa da.