Salto egin dute

Kapi

Irrifarre paternalista akorralatu zaitut zoko horretan (Txoko bar)

euskaraz doi doi dakizu baina (irakaslea mintzo zaizu)

jendeak pintxo beroak eskatzen zituen eta (bitter con sifón, por favor)

Gazteluko Enparantzako gaztelua non dago? (giputz batek)

errebelatu zara, zatzaizkit, euskaraz ez mesedez, que no! (ezetz!)

mania bat da neska, duodenoko horretan hipozentrua

SIDak jota erortzen ari dira euliak bezala

nerea ez da kutsakorra, ez zaitez apuratu

homosexual, drogazale eta harrizko irudi hotzak

orratza zaineraino sartua daukat, morena

abortoa hilketa dela erran dit ogi-saltzaileak (tu estarás a favor, no?)

putakume batek euskaraz egin zuen telenavarran (taxista batek sutan)

udaberriko maiteminak gero eta bakanago (euskaltegietan)

lagunen bila etorri dira gau honetan ere (eroetxerako)

inozenteak gara, aizu! garraisika, libre utzi dituzte (gaurkoz!)

Nafarroa Oinez-ena zelakoan Navarraporlalibertaddeenseñanza-koan sartu da

leit-ar de.spistattta, esaten nuera nik hanrbeste moja, eta bandera espainolak! NafarroaEuskararenAlde-koan ezagututako mutiko guapoa ikusi gogo duzu

NaffarroarenEguna-n, zeinen ongi abesten duten ipartar horiek, eta ea

aurten ere NafarroanETBikusinahidugu antolatzen duten!

loiak estaliriko bidean erori da korrikalaria (testigoari eutsiz)

en qué idioma está eso? galdetu Lekunberriko zahar euskaldunak (horror)

en vasco! va a la ikastola, lotsatzen da gaurregun zenbait (progresia)

herriko alkate sasi-ilustratuak astakeria galantak (lasai)

goroldioa, halere, hiriko teilatu anonimoetan (errekarri koxkorretan)

eta

punkiek geure aitaren etxea okupatu dute, indarka

morrosko-abarkadunei testigoa eskuetatik kenduz

ai ene! belarritakoa eta larruzko kazadora beltza zeuzkan!

asfaltoan lonazko zapatillak primeran atxikitzen dira

eta makiltxoa eskuetan harkaitz kaxkotik salto egin dute hanka gazteek...

Biba KORRIKA