L I T E R A T U R   A L D I Z K A R I E N
G O R D A I L U A
 

 
 

                   - Orrialde nagusira itzuli
                   - Korrok aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Korrok-10 (1988-otsaila) —Hurrengo artikulua




 

 

Gorka Setien

 

gorroto eta amodiorik gabe

ez dut etxerik garbituko

 

lehiorik gabe ez dut

kilkerren ixiltasunak usaituko

 

zure gorputzik gabe

ezin etsipenari begietara begira

 

ilargirik gabe ezin

matxinadaren hazirik erein

 

eta umerik gabe ezin

harmak isilarazi

 

 

 

      Hi, vasco enamorado

      aurkeztu hintzena

      hire burua ukatzen

eta harriak mozten

      bukatu duk

 

      Itsusia al huen maitea

ala eri

      hildolorez etzana

      aurkitu

 

Hi euskaldun ezin izan

eta euskera jostailu izugarrian

      bihurtu dukena

      zertan habil

      amorante sutsu

maitale urkatua

 

      gizon berria

      ezin duk edonola fabrika

      eta honen beharrak

zerurantz eta lurreruntz

      begira arazten ziguk

 

      denak gerra batetara

bultzatzen gaitu Oteiza.

 



Literatur Aldizkarien Gordailua Susa argitaletxearen egitasmoa da.