L I T E R A T U R   A L D I Z K A R I E N
G O R D A I L U A
 

 
 

                   - Orrialde nagusira itzuli
                   - Korrok aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Korrok-12. Alea jacta est (1989-maiatza) —Hurrengo artikulua




 

 

Hirian arrastuz

 

Horbel

 

   Mudurri arrastu eginen haiz

hiriko ormen artean,

argirudi gabeko,

misteriorik gabeko

hiri honetan.

 

   Hire aurrean, atari ilunek

opaku eginen diate,

han hemenka,

kaleetako urdin zaharrakitua.

Gauaren lanintzak harrapatuko hau

mamu uher itzurti bilakatuz,

ataritik atari,

itzalpetik itzalpe.

Azkenean,

azken atariren batean,

zoko-urrin batek abegi eginen dik,

hiriko egun hauskararen ilunaldean,

hatsaren gainean jarrita,

hausnarrari ekin hakion.

 

   Baina ez pentsa:

ez argi ñabarrik, ez misteriorik ere,

ez duk izanen hiri honetan...

Hiriaren laino uherra,

hiriko kaleak, atari ilunak,

hi heu, itzurti hori,

arrastuz joanen zarete

bertzerik gabe.

 



Literatur Aldizkarien Gordailua Susa argitaletxearen egitasmoa da.