L I T E R A T U R   A L D I Z K A R I E N
G O R D A I L U A
 

 
 

                   - Orrialde nagusira itzuli
                   - Maiatz aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Maiatz 1 (1982-otsaila) —Hurrengo artikulua




 

 

Askatzen

 

Jean Louis Davant

 

Erroak airatuz arras erre gabe

Hari baten puntan banoazu beti

Goi ala beheti, lanoa zutabe

Askatzen ari naiz, askatzen lurretik.

 

Aitamen oihana, urkoen sasia

Buztinen aztuna utzirik atzetik

Meneko ninduten indarren artetik

Askatzen ari naiz, askatzen hasia.

 

Lilien kantua goitikoan galduz

Lurraren lurrunak arrokan ahantziz

Amildegi honen begira naiz heldu.

 

Sustraiak non ditut, non oroitzapenak

Piru bat bederen banu den mendrena

Askatu beharrez, dena dut ahantzi.

 

Askatzen ari naiz askatzen lurretik

Askatu orduko erroak etenik

Askatzen ari naiz, askatzen bizitik

Am ildegi

                a

                   n

                      !

 



Literatur Aldizkarien Gordailua Susa argitaletxearen egitasmoa da.