L I T E R A T U R   A L D I Z K A R I E N
G O R D A I L U A

 

 
 

                   - Orrialde nagusira itzuli
                   - Maiatz aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Maiatz 2 (1982-abuztua) —Hurrengo artikulua




 

 

Holtzarte

 

Jean Louis Davant

 

Emaztea, emaztea,

Etsai guztiz ospatua,

Gizonaren hutsunea,

Sako sakon urratua!

 

Edeneko ibai hura

Zerk egin du gutarteko

Leize, Zur'erdibitzeko

Nitan ere arraildura?

 

Holtzarte horren gainetik

Zurubia bota nahiz

Piruño baten haritik

Beldurrez nor ote dabil?

 

Geologi harrigarri

Horrek ariman ezarri

Ispillu erdiratuan

Zer ote dut ikusiren?

Nola buztin'abuztuan

Dena erdiro nihauren

Barreneko aurpegia

Baina zertaz egarria?

 

Zola zolan ur txirripa

Gorde baten murmurika

Osto ferreka zilarrez

Itxaropenaren bila.

 

Pareten gartzelatik at

Badago ibar zabal bat

Eta itsasora doa.

Emaztea itsasoa!

 

Emaztea,emaztea,

Itsaso muga gabea,

Bake guztiz nahitua,

Bihotz sakon zabaldua,

Gure aurpegi bestea,

Gure hutsunen betea!

 



Literatur Aldizkarien Gordailua Susa argitaletxearen egitasmoa da.