L I T E R A T U R   A L D I Z K A R I E N
G O R D A I L U A
 

 
 

                   - Orrialde nagusira itzuli
                   - Maiatz aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Maiatz 3 (1982-abendua) —Hurrengo artikulua




 

 

Euskal Herrian euripean

 

Itxaro Borda

 

eder da

euskal herrian euripean,

busti eta disdiratsu;

ura hosto legorretan

urre eta zilar

kantaka lerratzen da

euskal herrian

euripean,

hor gaude.

 

helburutik ezeko bide hutsetan

gabiltza ilunabar umietan

euskal herriko kaletan

bizkaian edo nafarroan,

patxaran basoak edanez kuraia hartzeko

euri ttorttak, zigarretak eta ogitartekoak

erdizka partekatuz

euskal herrian

euripean.

 

ahantzi nahi dugu

beharrezkoak ez garela,

zainetan buru gibeletik,

sua bezala erretzen gaituen

heriotzerako gutizi nagia...

 

euskal herrian

hor gaude

euripean

kafe azkarregiak aho zokoan

uzten duten gustu beltzean,

eta Caporal tabakoaren usain

segitzaleen lainoan galdua

adiskidantza baino gehiagoko

zorotasun debaldezko batean.

hor gaude

euripean

euskal herrian.

 

1982.ko Abenduan

 



Literatur Aldizkarien Gordailua Susa argitaletxearen egitasmoa da.