L I T E R A T U R   A L D I Z K A R I E N
G O R D A I L U A
 

 
 

                   - Orrialde nagusira itzuli
                   - Maiatz aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Maiatz 6. Garazi (1984-apirila) —Hurrengo artikulua




 

 

Agur Garaziri

 

Terexa Idiart

 

                     1

Mendi gain batetik agur Garaziri

Egun eder huntan iguzkiz igeri

Hegoak igorririk lanhoak ihesi

Leku pollitagorik ez duket ikusi

 

                     2

Hemengo herriak mendien alzoan

Edo berdin orobat Errobi ondoan

Etxe xuri gorriak jarririk multxoan

Hola egon ditela orai eta geroan.

 

                     3

Laborari etxeak zelai berdeetan

Bai ere han hemenka patar batzuetan

Bizia eremaiten lan eta borrokan

Laborariek ardura haz dute buruan

 

                     4

Zonbat Garaztarrek utzia Garazi

Hemendik urrun dira bortxaz nunbait bizi

Sor herriak ez ditu sekula ahantzi

Zertako ez ditu lekuan atxiki?

 

                     5

Zonbat etxe hustuak gure mendietan

Arbasoen lanak oro debaldetan

Laparrak nasai heldu heien bazterretan

Ez badira erori arrotz eskuetan

 

                     6

Aintzina goazin geroari buruz

Mintzaira eta lurra ongi begiratuz

Baitezbada indarrak elgarri juntatuz

Debaldetako aharrak gutarik urrunduz

 

GAXUXA

 



Literatur Aldizkarien Gordailua Susa argitaletxearen egitasmoa da.