L I T E R A T U R   A L D I Z K A R I E N
G O R D A I L U A
 

 
 

                   - Orrialde nagusira itzuli
                   - Maiatz aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Maiatz 7 (1984-abendua) —Hurrengo artikulua




 

 

Ikusten

 

Jean Louis Davant

 

Hinki hanka nabila

zure bideberriko

xehelen bistaraino.

 

Ikusten dut emazte

ttipi begi urdin bat

aitarekin haiduru.

 

Ikusten dut etxe bat

gotor eta segurra

dener beti zabalik.

 

Ikusten dut barne bat

usu jendez betea

batasun egilea.

 

Ikusten dut aldean

baratze loretsu bat

ur xirripaz alaia.

 

Ikusten ditut haurrak

beren urxintxarrekin

ekiari kantari.

 

Ikusten dut ele bat

baratx eta sakona

biziaren erraile.

 

Ikusten dut haritz bat

nasaia, baketsua

aire gaiztoak joa.

 

Ikusten dut bizian

lekurik ez duela

zuzenaren galdeak.

 

Sinesten dut halere

ezin baitut onartu

zure hilik uztea.

 

Sinesten dut hortako

berriz bizi zarela

gauaren bestaldean.

 



Literatur Aldizkarien Gordailua Susa argitaletxearen egitasmoa da.