Nagusiaren nigarrak...

Daniel Landart

Gure nagusia, gaixo nagusia

Goizetik arrats ta urte guzia

Nigarrez, nigarrez, nigarrez ari da.

Nigarrez aritzeko,

Nigarrez aritzeko

arrazoinak, arrazoin haundiak

ba omen ditu.

Ta nagusiaren nigarrek

langilearen, langilearen

bihoiz «eria» hunkitzen.

Nagusiaren

nigarrez aritzera ez uzteko

Kontsolatu beharko dugu

Ta nagusiaren kontsolatzeko

langileek, langileek

irabazi berarentzat

lan gehiago

egin beharko!...

Gure nagusia gaixo nagusia

Goizetik arrats ta urte guztia

Nigarrez, nigarrez ,nigarrez ari da.

Nagusiaren

nigarrez aritzera ez uzteko

langileek, langileek

ez du lanari baizik pentsatuko

Lan eta lan, lan eta lan, lan eta lan,

lan eta lan, lan eta lan, lan eta tan,

lana, lana, lana, lana,

Langileak ez du lanari baizik pentsatuko...

eta greba horiek, greba zikin horiek

bazterrera utziko!

Gure nagusia, gaixo nagusia

Goizetik arrats ta urte guztia

Nigarrez, nigarrez, nigarrez ari da.

Nagusiaren

nigarrez aritzera ez uzteko

langileak langileek

beti eta beti beti eta beti, beti, beti

beti eta beti beti, beti

haren zerbitzuko

egon beharko!

Ahalaz, ahalaz, bakantzarik ere

ez hartuko!

Lan eta lan, lan eta lan, beti lan

eta lan, beti lan eta lan, beti,

beti, beti, beti lan eta lan...

beti, beti, beti...

Gure nagusia, gaixo nagusia

Goizetik arrats ta urte guztia

Nigarrez, nigarrez, nigarrez ari da.

Gure nagusia,

pobreño bat da

nagusietan pobreena.

Hamar etxe,

Hiru kotxe,

Zazpi sehi,

Hogei zaldi.

Ta Suisako bankoetan, abilki gorderik

dolarrak, dolarrak

dolarrak metaka...

hori baizik ez de, hori bakarrik

gure nagusiaren

nagusi gaixoaren: miseria

miseria gorria!

Gure nagusia, gaixo nagusia

Goizetik arrats ta urte guztia

Nigarrez, nigarrez, nigarrez ari da

1976-V-23an