Mendian atsegin

Muxika'tar Luis Mari

Arrats ipartxo mee...

arnasak azkure...

Oroipenak ausnarka

biotz-muin ta barne!

Oi! Barne ta soiñ nere,

zein pozki patxaran,

Gorbea'ren tontorren

egon be oi diran!

Kezkaren eztenik

barnean ez nik,

ixillaldi bare,

zorion-pake.

Poz-jario ango

xoil bakardade!

An beko urrunean

arditxoak beka,

Arraba'ren magalen

Jainkoari deika.

Apurtxo bat areago

Lekanda or dugu,

Otz-egaztien ulua,

kuku-miku kuku,

guztien ondoren:

bei ta idien mu.

Onelako aldirik

iñoiz ez nik pasa

Taupa emen biotzak

ez du ez garratza;

alako eresi xoil

xamurraren gisa,

txinta kixkur eztiak

abestuaz baiña,

otoitz-muxian luze

pilpiraka datza!!