Urteko Jaiburuan

Miren Lurde'koari

onthu Olerkia

Bera'tar Erroman Mirena Aitak

kopiaz: J. Agerre

        Bera'tar Erroman Mirena Aita zenduaren oroiz dakart au (G.B.).

        Gure ezaun batek, arekiko adiskide gertaturik, Aita errirat etortzerakoan, misioi-lurralde arietan 50 urtez egonda, leiatsu egorri zion gutun bat Andrane'ri olerkia onthuta berton.

        Adiskide oni esker, olerki au urrengoa agertzen dogu, atsegiñez beitugu ematen, ain da tolesge ta ekar. Ohargarririk badu areago: Andrane Ederraren egunean berean dela ain zuzen ere egina. Aitak berak diño au: «...Gaur da Lurde'ko gure Amaren jaia ta goizean idatzia dut au».

Ona olerkia, urrengoan

        Bainan aurrez esan dezagun argibide-gisaz Lurde'ko Arpean une berton Ama Birjiña pausatu dela gozo ta txuria, alatsu nola uso bat xorie, aizetan barna zebillela, murruko zuloan kokatzen da guri ta txairo.

        Orduantxe, Bernardeta biderat irten eta esaten dio:

        Bern

Andre xuri maitea,

nondik eldu zera?

        Andrea

Goitik egazka nator

zuek agurtzera.

Bernardeta Zubira,

non bizi ote da?

        Bern

Ene Ama gozo ori,

ni naiz Bernardeta.

        Andrea

Zoaz bada Apaiztegira

antxen esatera,

eliz aundi bat emen

nik naiko nukela.

    Eliza du Yesus'ek

atsegindegia

t'eliza ondoan nai dut

iturri berria.

    Elizon ari bedi

otoitz jarraikia:

nik ere eskuon daukat

arrosarioa.

        Bern

Barka gaitzan Jaun-Goikoak

gatorzuz eskeka,

zure seme-alabok

damuz belaunika.