Txiroa

Lopategi

Txiroa zer dan azaldu guraz

lau bertso noa abestuten.

Gauza barririk eztok esango

zagoze nunbait esaten,

gure artean aberats asko

eztogulako ikusten;

baiña guztien txirotasuna

ezta bardiña izaten.

Sarri askotan ikusten dogu

ate joka eskekoa,

ondo ikasirik ekarri oi dan

eskabidezko bertsoa.

Atxurren billa eztau luzatzen

ain zuzen bere eskua,

orra txiro bat gure artean

alperra izenekua.

Baiña badira langille onak

alan da guztiz txiroak,

lan gogorrian, sari txikia

eta sendi aundikoak.

Olango asko ugaritu dau

gaur bizi dogun munduak,

eta eskutik ez gaitzala itxi

zeruetako Jainkuak.

Txirotasuna izan legike

dirua izanagaitik,

asko dakusguz diruz gaiñezka

biotza bete eziñik,

mundu onetan eztagolako

iñor guztiz ornidurik;

Goiko Jainkoak ein baiginduzan

gorputz ta gogo, billoizik.