Aupa Loroño

Paben Loidi

Gora, Jesus Loroño

txirrindularia,

euskaldun-odoleko

gizon egokia!

Nunai agertu dezu

abillidadia.

Indarrak apurtu du

ezin ikusia.

Marka bat jarri dezu

egundaiñokua

Buelta-España eta

Kataluñakua

irabazi ta Frantzin

bosgarren sartua.

Urte batean zeiñek

egin olakua?

Berrogei ta emeretzi

urte betetzean,

Apirillaren ogei

ta laugarrenean

Madrid'tik irten dira

tximista batean

eun bat txirrindulari

Toledo-bidean.

Bederatzi taldeak

amarnako dira

Españari abiyan

emateko bira.

Kastilla'ko zelaitik

norteko mendira.

Bilbaon sartzerako

aspertuko dira.

Zuri-urdin-gorriak

errenka luzean

sugea dirudite

kamiyo-batean.

Italiar, Prantsesak

Belgakin hatean

berrogei españolak

burruka-gosean.

Saildu ta meetu dira,

irudiz bakallau,

ez egin dutelako

janarekin barau.

Orra Solluben gora

datoz bat, bi, iru, lau...

Aurretik bakarra da

bizkaitarra berau.

Iruña'tik irten da

Estellan barrena.

Lizarragako gaiña,

Jaizkibel urrena.

Igesi bakarrikan

biderik geiena,

Donostiyan Kardoso

sartu zan aurrena.

Maiatzaren zazpian

ziran bi mendiak

indarrak neurtzeko

egoki jarriak;

Elgeta-Urkiolan

aldapa biziak...

Banaka bota dira

txirrindulariak.

Eibar'tik Bitorira

eldu arteraño,

izan dute bidean

euri eta laño.

Ribier bikaiñaren

atzetikan baño

irugarren sartua

da gure Otaño.