L I T E R A T U R   A L D I Z K A R I E N
G O R D A I L U A

 

 
 

                   - Literatur Aldizkarien Gordailua
                   - Olerti aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Olerti 1961 II (1961-apirila/ekaina) —Hurrengo artikulua




 

 

Aurtxo zorigabe

 

Larreategi'tar Luken

 

Nora ua, aur zorigabe,

amaren besotan!

Zertara arama, gaixoa,

oraindik lotan?

 

Esna adi! Eztek entzuten

umetxoen iskanbilla?

Pozez zoratzen zeudek,

eta i, or au ixilla!

 

Begira: Axier Etxeberria,

txistu eta tanboliñez,

ire aurrean, estu zijoak,

biribilketa jo naiez!

 

Ez dituk ikusten, errukarri!

kalez-kale jostalluekin!

Zergatik aiñ itun? Erregeak

ez al dituk oroitu irekin!

 

Ai, enetxo! , Jaiotzatik

dakark, bai, zoritxarra

egunero, etxerik-etxe

eskean, ibilli bearra!

 

Iretzat, gaur ere, etzegok

ez kopiñ soiñeko garbia:

estalki zikiñean bildurik,

zijoak ire gorputz txikia!

 

Zer oben egin duk, maite,

orrela egurastu daien!

Zergatik ukatzen ditek

seaska epel bat, bederen?

.........

.........

 

Eskaletxo: Au oldoztean,

miñ artzen diat biotzean!

 



Literatur Aldizkarien Gordailua Susa argitaletxearen egitasmoa da.