Oler-aldi

Okil

Txori bat zorriketan

osto berripetik,

artezia bitatzen

luma bat jaurti dit.

Bertatik ekin diot,

orri zikintzeari

belarria igurtziz,

sortitza goretsiz.

Txori ori arizu,

tortok muskillian,

txistua jo eta jo

ausi bearrian;

ta gu iztalatraka,

kirten gai batean,

adarra jotzen degu,

besterik ezian.

Sagats bat agiri da,

loriak betian,

ez Jeremiasena,

an... Babilonian;

arparikan ez degu,

ta zoritxarrian

ezin zinzilik jarri,

bere kakotxian.

Agur landa liliak,

ikusi artio;

ezin jarrai nezake,

aulkeri jario.

Kupelan sagarduak,

txinparta dario;

xardin-zar bat gezatuz

banua ta ario.