Urte askuan, aita

Gaztañaga

Bertso berriak kanta nai dizkat

bere eguna data iya.

Asteasu'ra nork adirazi,

larri da nere eztarriya.

Pozez gaiñezka daukat, ordea,

sekulako etorriya.

Ez al zekin, ba, bere seme au

nintzala bertsolariya?

Zenbat gauza nik esan-berrrak

ote dauzkat gaur buruan?

Biotz bero bat taupaka, berriz,

aspergaberik kolkuan...

Biak gauz bera esan nai dute

etengabeko kantuan

Artu bezaizkit, aita maitea,

zorion urte askuan!!

Urte bat geigo betetzeko gu

oraindaiño gabiltz pozik,

ez bai diteke ogeita lauak

gabean izan apaizik.

Bakar batzuek nik bai artuko

aitari gutxitzegatik.

Aita, ea noiz egiten degun

onelakoxe trukerik?

Bertsotarako gogua daukat,

asia det laugarrena.

Opa diot nik oraiñarteko

egunikan ederrena,

pozez beterik, seme-alabaz

inguraturikan dena.

Artu beza, ba, palta dun onen

zorionik beroena!!