L I T E R A T U R   A L D I Z K A R I E N
G O R D A I L U A
 

 
 

                   - Literatur Aldizkarien Gordailua
                   - Olerti aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Olerti 1962 I-II Zortzikote (1962-urtarrila/ekaina) —Hurrengo artikulua




 

 

Kutzemendi

 

Eletarbe

 

Bi egur zar alkarri trabeska loturan,

soin lerden, oiña tinko arkaitz gallurrean,

goiruntz burua zutik, bi besoak zabal,

beragan zeru-lurrak korapill naiean...

neke arintzallea malkar guenean,

orra, gure mendiko gurutzea zer dan.

 

Burni, arri, zurezko siñis-agergarri,

aiten aitonek ortxe zinduten ezarri,

ixiltasun pakean bakar-otoitzlari,

Jainko-bedeikapena banatuaz guri.

Alkarmaitasun deia, ekaitz urrunlari,

guda-zantzo artean itxaropen ezti...

 

Zure itzal santuan beude gure erriak ,

gorde siñismena ta oitura garbiak;

etsai oro mendera; ken kaltegarriak;

orrildik agorrera zaindu uzta guriak;

gorputz da animaz sendo irauzaun sendiak:

BABES, GURUTZE SANTU, GURE EUSKAL MENDIAK!

 



Literatur Aldizkarien Gordailua Susa argitaletxearen egitasmoa da.