Giro illetari

Otsalar

Txoriñoak kantari

goiko sagastian;

frutuak erne dira

loren biotzian.

Udaberria antzo

mundu zabalian...

Illet'otsa auzoko

eleiza kanpaian...

Baserri bat autsita

egi-gurenian.

Izaga ideki bat

zabuka aizian,

eten-une nabariz

urtien zorian.

Len baso alaia zan

orko piñadian,

t'orain tristura dabil

lurran azalian

ta aintziñako denboren

oroitza-miñian.

Alkarturik anaikor

aritzan azpian

lenago mintzo ziran

izkuntza batian;

orain bere gomuta

galdu biarrian...

Indarra beti nausi

munduko legian...

Illunabarra dator

gure parajian.

Untzez estalitako

orma zaharrian

lauburu ta gurutza

leioan gañian;

atai aurrekaldeko

intxeur igarrian

txorikumak dabiltza

ega laburrian...

ta udazken giroa

inguru latzian.