L I T E R A T U R   A L D I Z K A R I E N
G O R D A I L U A
 

 
 

                   - Literatur Aldizkarien Gordailua
                   - Olerti aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Olerti 1964 I-II Etorkia (1964-urtarrila/ekaina) —Hurrengo artikulua




 

 

Ointxoak

 

Gabriela Mistral

euskaratzailea: N. Etxaniz

 

Oi, aurtxuon oin txikiok!

otzaren otzak ain more!

Nola zauzkate orren gorririk,

izanikan Jainko-lore?

 

Oi, aurtxuon oin txikiok,

arri zorrotzetan miñez!

Ain ondatuak elur zapaldu

eta lokatza zikiñez!

 

Gizon itxuak ez daki,

zuen ointxoak jo-ala,

nolatan lurra argizko lorez

apaintzen dan bereala;

 

ta nola zuen oinpeak

zapaldutako tokian,

usaitsuago zabaldu oi-dan

akara Udaberrian.

 

Bide zuzenetan zear

zoazten ezkero, izan

kemen aundiko gizon azkarrak

bikaiñak zeraten gisan.

 

Oi, aurtxuon oin txikiok,

bi arri bitxi minduak!

Nola dijoaz zuek ikusi

gabe bidez jende itxuak?

 



Literatur Aldizkarien Gordailua Susa argitaletxearen egitasmoa da.