L I T E R A T U R   A L D I Z K A R I E N
G O R D A I L U A
 

 
 

                   - Literatur Aldizkarien Gordailua
                   - Olerti aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Olerti 1964 I-II Etorkia (1964-urtarrila/ekaina) —Hurrengo artikulua




 

 

Aieteko elizan

 

N. Etxaniz

 

Aiete'ko elizan

eta Azaroan

biotz bi urtu dira

elkarte gozoan.

Uztarria ba-dute

bizitza osoan.

Aiete'ko elizan

eta Azaroan.

 

Gurasoen ondotik

eten da kimua;

alabak utzi bear

amaren altzua.

Gaurko pozak berekin

du min ezkutua.

Gurasoen ondotik

eten da kimua.

 

Seme-alaben poza,

bai dala aundia!

Biotz biren arnasak

mamitzen bizia.

Zeruak sortutako

mirari argia!

Seme-alaben poza,

bai-dala aundia!

 

Izarrak zeruetan

gabaz dute jaia;

maiteen loa zaitzen

dute bere eztaia.

Jaunak bedeinka beza

maite auen naia!

Izarrak zeruetan

gabaz dute jaia.

 



Literatur Aldizkarien Gordailua Susa argitaletxearen egitasmoa da.