Gure etxea

Olabeaga'tar Iñaki, f. s. c.

Alkartu gaitezen anaiak,

Gora dezagun Salle-nea,

Gu guztiontzat bera bai da,

Ben-benetan «Gure ETXEA».

Zu zaitugu gure animen

Sor-leku bero ta maitea;

Gaztaroan izan genuen

Kabi gozo, «Gure ETXEA».

Ipar aizek uxatutako

Uso lirain, papar zuriak,

Emen geldituz egin zuten,

Zelai belartsuen erdian,

Arrizko usotegi sendo,

Leio aundiz oso betia,

Salle'tarrentzat izan dana

Etxe kutun, zoragarria.

Geroztik artuko dituzu,

San Martzial muiño bizkarrian,

Sortzen dan, eguzki beroen,

Muxu leun, zuzpergarriak.

Tamalez, ez zaitu pakian

Utziko, Jaizkibel mendiak.

Kontra bialduko dizkitzu

Aize-ekaitz gogor eta euriak.

Baiñan, Guadalupe'ko Amak,

Zure begiraille maitiak,

Ondatu ditu, Aia-arriko

Sorgiñ gaiztoen txarkeriak,

Argitik gaueraiño zutik

Zaude irmo, leku batian;

Arkale mendiko Kurutzen

Itzal zerutarren azpian.

Kantauri'ko itxas-aiziak

Txukatzen dizkitzu malkoak,

Bidaso ibai kantariak

Kulunkatzen gaueko loak.

Or bete genitun txit zintzo

Jainko zerutarren gogoak,

Biotzez betiko utzirik

Aita, ama ta etxekoak.

Bai gozo egona danentzat

Amaren magal epeletan.

Aunditu ta gero ba-goaz,

Jauna lagun, lan ta neketan.

Salle-nea'ko kabi bero,

Ugaritu lur zabalean,

Salletar jakintsu ta santu,

Adoretsu goi-burruketan.