Gaitezan biozdun

Aurraitz

Igetargira begira

dago jakituria,

ta gure Errian asi da

urrituten garia.

Batak ten, besteak bultza

larri laboraria:

Arloak gitxitu eta

enpaiduak keizpea,

nai ta ez aldatu bear,

askok, bizipidea.

Jauntxuak baso ta landak

illetaz jazten dira.

Euskalerria'ren azken

egune eldu ete da?

Zutun, anaiak, ez mintzo,

ekintza-aldian gara:

Biotzbageen koldarkeriz

eun Erri amillera.

Izakera gal ba-daigu,

zetako bizi gura!

Leengoa da eguzkia,

baita gaben bakea.

Munduaren aldakuntzaz

urduri gizadia.

Gogaibako ibilleretan

barru utsaren nekea.

Biotz-ikeren zelaian

bearkunen saria:

Geldoen azal argiak

biotzean zauria.

II-eresia basoan,

urian poz ustela.

Geroaren anotsa itun

lugiñak galdu-ala.

Diru-zaleai ez dautse

betezkero sakela.

Sabeltzaiñak lo, asetu

daienean sabela.

Gaitezan biozdun ta argi,

ondatuko bestela.