Gerezietara

Lazkoz'tar X.

Goazen, goazen, moteillak,

goazen gerezietara.

Beti Donibanetan

ontzen dira oberenak.

«Etxaide» auzu inguru

diote bete-beteak

daudela. Goazen, bada,

zaretuakin biltzera.

Alai, xixtuz ta kantari,

badaie mutiko multsu,

ustez biarko zutela

arbol oberena ustu.

Baiño gauzak batzutan

zuzen eztira atratzen,

eta, ziñez, aldi untan

alaxen gerta baizen.

Arzaundol, zakurra gaitza

onbor ostean zegon lotua

kate azkar batekin,

gereziek zain, nolakua!

Aserturik, saingaka

arat-unat ibiliz,

atsiki naia iduriz

ortzak xuri erakutsiz.

Batek eman zion arrika,

ordun eta fierrago,

iduritzen Satanas

zuen barne sutsiago.

—Zakurra buzten motza,

urde madarikatuak,

ez nauk ez arpatuko,

ire litaiña makuak.

Donibane, Donibane,

gerezirik ezin jane,

baiño Deun Jakobe'tan

aranetan atzemane