Dirudunen maitale

Egieder

Dirudunen maitale

nazela amestu al dot

gabaz zori txarrez?

Ala gizonak irain

ori egin al daust gaur

samindu bearrez...?

Diru zalekeria

ezin dot jasan gaurko

txiro gizartean.

Zerk sortu eragin daust

burruka garratz au neuk

nai ezta barruan?

Zorionez Kistogan

eztitu ninduen goiz

guraso maiteak.

Ondasun aundi ori

maitez opa izan eusten

maite ninduenak.

Diruagaz ez eben

nai izan eztituterik

beargin ziran-ta.

Txiroen maitasuna

ezarri nai izan eusten

Kistoren antzera.

Aundikeria, zoaz

azeri anker ori

enegandik urrin.

Labankerizko diru

Otsa, biotzari ez

zirkiñik eragin!

Betoz Kistoren doai

ederrak nire izate

au apaindutera.

Ulermen, maitasuna

ta erruki berbera

nai ditut batera.

Gizartean zar ta ume

gosez iltamuan guk

ezin esan beste.

Ene biotza lertu

bearrez zagoz lertzen

miñez euren alde.

Au da lege bakarra,

beartsua maite izan.

Ta lur ondasunak

aren arte zabalduz,

zuzentasuna egin

bear dau gizonak.

Gizadiko oiñarriak

egi, zuzentasuna ta

maitasuna dira,

azkatasuna garbiaz

bakotxari berea,

ta dator bakea.