L I T E R A T U R   A L D I Z K A R I E N
G O R D A I L U A

 

 
 

                   - Literatur Aldizkarien Gordailua
                   - Olerti aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Olerti 1967 III-IV Geldi ta itsu (1967-uztaila/abendua) —Hurrengo artikulua




 

 

Liikanen'dar Kirsti dala-ta

 

B. Enbeita

 

Filandia'ko Kirsti Liikanen

Erakusten dau biotz aundiko

Ikusten dogun bezela,

Argi ta zintzua dala.

Euskal Errira etorri jakun

Euskera ikasten beiñola,

Ikusten dogu Euskera ikasi

Ederto egiten dabela.

Esaten dausku Euskotar danok

Jakin bear gendukela,

Norbere izkuntza ez jakitea

Lotsagarria dogula.

Iru illabeten barruan dausku

 

Euskera ederto ikasi;

Gura dabenak egin leikela,

Kirsti'gan dogu ikusi.

Esaten dausku Euskera dala

Edertasunez nagusi;

Au ta guzti be Euskaldun asko

Kontuan ez gara jausi;

Era onetan kontzentzi garbiz

Gu ezin geintekez bizi

Eta Euskaldun izenik bere

Askok ez dogu merezi.

 

Euskal Erriko emekumea,

Kantuz nator esatera:

Lur maite onen loria eta

Frutu emoille zeu zera;

Zuk nai ba'dozu zure aurtxoak

Ikasi leike Euskera,

Orretarako bear dozuzan

Giltzen jaubea ba'zera,

Arren dirautzut ez galduteko

Eskuan dozun aukera;

Bestela, alperrik, egizko Euskaldun

Emakumea etzera.

 



Literatur Aldizkarien Gordailua Susa argitaletxearen egitasmoa da.