L I T E R A T U R   A L D I Z K A R I E N
G O R D A I L U A

 

 
 

                   - Literatur Aldizkarien Gordailua
                   - Olerti aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Olerti 1967 III-IV Geldi ta itsu (1967-uztaila/abendua) —Hurrengo artikulua




 

 

Orban bako lore

 

B. Enbeita

 

Zer dakastazu, maite,

Biotzeko lore?

Zuri ta eder zatoz,

Ixil eta bare;

Biotz maite minduaz

Naukazu begire,

Zelan ete zatozan

Ain eder zelaire.

 

Zure musu zurian

Eguzkiak diz-diz.

Ezti billa erliak

Jolasian aldiz,

Apain agertzen zara

Zelai, baso, mendiz:

Aizea eder, zure

Usai, gozo aundiz.

 

Olerkiaren muña

Maitalien ames;

Biak maite minduak

Ezin ase lorez.

Txoria ez da eder

Ez ba'dago lumez,

Maitasunik bere ez

Bear dan lez umez.

 

Dudako loria da

Uda-azkenekua

Eguzki, aize zakar

Miaz arturikua.

Zu zagoz mardul, lirain

Uda-barrikua,

Baiña arimarentzat

Arrisku aundikua.

 

Lora gazte matia,

Ain zagoz dotore;

Zuri, garbi ta eder

Biotzen endore,

Zuri begira dagoz

Ainbeste kolore.

Beti izan zakidaz

Orban bako lore.

 



Literatur Aldizkarien Gordailua Susa argitaletxearen egitasmoa da.