«Zazpirak»

Aldana

Urte guztietan lez

aurtengo udean

zazpi lagun joan gara

umore onean

Euskalerri osoa

ikusteko ustean

garragarrillen ogei

ta bigarrenean.

Ariatza'tik urten

iru ta erdietan

eta Naparra aldera

bederatziretan

jan edan egiteko

mendi tontorretan,

gose ta egarri giñan

ordu guztietan.

Garralda erri polit

ez ain euskalduna,

mendi artean lirain,

garbi ta txukuna,

erbestekoentzako

guztiz babesduna,

an igaro genduzan

gau bi ta eguna.

Jaungoikoa'k mundua

egin ebanean

arduraz ibilli zan

gau ta egunean.

Arrigarrizko gauza

bat sortu eikean

Euskadi jarri eban

itxaso ertzean.

Ikusi doguz mendi,

baso ta zelaiak,

baserri eder eta

erreka alaiak,

abestu doguz bertso

ta abesti zoliak,

bete doguz geienbat

gure gurariak.

Zazpi lagunok beti

ondo konpondurik

arazu danerako

ederto baturik

lo be egiten gendun

biñaka alkarturik,

anaiak bai gintzakez

ulea arturik.

Orain jakin daizuzan

guztion izenak

Pedroa zan lenengo,

Pablo bigarrenak,

Lauren eta Deunoro,

Anas bosgarrenak,

Bitoren, Pedro Mari

onexek azkenak.

Amalau ollasko ta

amaika lukainka

janak izan genduzan

apurka-apurka,

baña ez uste gero

ziranik banaka,

Deunoro'n goseagaz

sarritan biñaka.

Iru egun egin da

etxeratutean

poza nabaitu al zan

danon biotzean.

Urrengo egunerako

guztiok lanean,

datorren urterarte

ekin jardunean.

Datorren urterako

ein dogu aukera:

San Pedro'z joateko

Santander aldera,

ango lur erdaldunak

ezagututzera,

mendi ta atx-zuloak

gogoz ikustera.

Ariatza'n, 1967-7-26.