Igali usaia

Juana de Ibarbourou

euskaratzailea: Muniategi'tar Sabin

Irasagar umaotuakin

Lurrintzen ditut arasak.

Nire soñeko guztiak dute

Igalitar Usai gozo bat

Zeñek ematen dion nire gorputzari

Udaberritasun bizitasun eder bat.

Nire apal sakon

Ta txukunetatik,

Barruko soñeko pillo bat

Ateratzen detanian

Gelan zabaltzen da

Baratza giro bat.

Nire apaletan dirudi uztaroa

Daukatela lokarritua!

Lurrin ori nirea da. Milla emakume muxutuko dituzu

Gazte ta maitekorrak baña batek ere ez dizu emango

Nik ematen dizudan bioztasun berezi, baratz sundazko

Maitasun zindoa.

Origaitik nire arasatan

Sartzen ditut igali elduak.

Ta nire barrengo soñekoen tolesturatan

Izkutatzen ditut bai betiber eskukada iger batzukin

Irasagar biribil ta orizkatuak.

Nire azala lurrin onen

Usai onez betea dago;

Milla emakume muxutuko dituzu baña betek ere ez dizu emango,

Nik ematen dizudan lats eta oian bidezko, benetako

Maitasun zindoa.