Negarrak

Egieder

Zenbat lagun ete dagoz

ikusten dan

edo ez dan gerunari

begira.

Buruz-bera

erdi-il irudian!

Ta gizadia gora-beraz,

ardura

eta

maitasun

bearrean.

Negarrak gorputza legortzen,

samintasunak biotza naibagetzen,

goseak bizia urritzen,

zuzenbagekeriak gizadia birrintzen...

Ilteak ezin esan ala,

ta zelan bizi,

arazo onen artean...

anaien kurutzeagaz

norbera kurutzatu barik...

Kristok nai dau,

Kristok eskatzen dau,

lotsabagekeria luditik kentzea...

Gizon bakotxaren ardurea da

geure argi... kemen... egiaren aroz

ludia barriztutea.

Lo-belar ez gaitezen izan.

Itxartu, gizona,

zure adore guztiagaz

ots egin,

gau ta egun,

onaren alde

erri arazoak konpontzeko

gizonen bizi oberako.