L I T E R A T U R   A L D I Z K A R I E N
G O R D A I L U A
 

 
 

                   - Literatur Aldizkarien Gordailua
                   - Olerti aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Olerti 1969 I-II Udaberri (1969-urtarrila/ekaina) —Hurrengo artikulua




 

 

Ezetza

 

Igotz

 

«Ez, ez» diño umeak,

ixillaren erdian.

—Zer emon dautsazu,

ama, ume txikiak

ixillaren erdian

ezezka jarduteko?

 

«Ez dot izan nai

aitaren antzeko».

—Zer ikusi dau, ama,

umetxo toles-bakoak,

bere aitaren kideko

ez dauala izan nai

orren setati esateko?

 

«Ez, ez dot artu nai

zuk emondako saria».

—Zer emon dautsazu,

ama, zeure umeari,

ez dauala zuk emonik

artu nai autortzeko?

 

«Ez, ez» orreik oloka dagoz

ixillaren miesa gorrian.

Utsik daukaz eskuak

eta ez ditu bete nai.

«Ez» diño gauak, «ez» egunak.

—Zer dau zure semeak, ama,

orren tematsu ukatzeko?

 

Gau balizaren erraian

danban ikusi dau aita,

amari zital ziñuka,

zantar biraoka...

«Ez, ez dot nai —diño umeak—

aitaren antzeko izan».

 



Literatur Aldizkarien Gordailua Susa argitaletxearen egitasmoa da.