L I T E R A T U R   A L D I Z K A R I E N
G O R D A I L U A

 

 
 

                   - Literatur Aldizkarien Gordailua
                   - Olerti aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Olerti 1980 (1980) —Hurrengo artikulua




 

 

Negua dun

 

A.O.

 

Negua dun, bai; ta, i, norantza?

Nola ikustatzen audan!

Aurrean dut ire iduria,

neguz, zorakor, egitan.

 

Esia daukan aintziñean,

eskuitik gora mailladia;

zut-zut doa lerden igoaz,

elurño-tantoz txuria.

 

Gorri oa i, urdin ta musker,

oskiz oiñak, ta ginbailla;

bi ardiño ditun atzean,

gora nairik bide billa.

 

Zugaitza dun, ezker, liraiña,

ta ur-isola txit apartsu;

inguruka doan mailladi

gaiñean, zelai elurtsu.

 

Bi etxe zelaian, gain txuri;

urbil, ur-gaiñez zubitxo

zotz-aga txikiz ornitua,

dan-dana lanbrotan txairo.

 

Urrun, zeru-goia, etxeak

ats epel oro estaduz;

urdin erdian gurutzea,

goi-giroak ondo leunduz.

 

Otz aiz, neska, ta sua opa:

mailla gaiñeko bi etxeak

—oi epelaren muxu bigun!—

bafaz dauzkate ke-bideak.

 

Ik ere, oi!, jo zan araiño,

otz bait da, otz-otz atean.

Fedearen sua dun goxo

barne izkutu ixillean.

 



Literatur Aldizkarien Gordailua Susa argitaletxearen egitasmoa da.