1970'gko. 6 gn. igandea

Bernaola

Gose-eguna da ospatzen

gaur gure eleizetan;

gosearen jaia dalako,

zeozer nai dot esan.

Begira daigun, bai, or-emenka

zer dagoen jasoten

emen geure ingurumari

eta or mundu ortan.

Asko be asko dakuskezuz

or edozein tokitan,

gonburuz bete-bete eginda

ardau ta uiski-bitsetan.

Beste millaka gizagaxok

jan-edari urritan,

istillurik naikoa dabe

gau-egunez neketan.

Ugaritasunean batzuk

jan-edanez beterik,

goseak illik beste batzuk

arnas artu eziñik.

Ogi-zati bat nok emongo

gau ta egun begira.

Oi, zenbat batean bestean,

gosez ilgo ez dira?

Tamalgarria da egiaz,

or zelan bizi garan!

Mundu ontan eukita be,

danontzat naiko zer jan.

Jainkoak eratuak gara,

danok ez ete bardin?

Gosea guztiz urruntzeko

danok dogu zer-egin.

Gose osoro kentzeko,

egin daigun alegin!