|
|
|
Amona eta opilla
Usarraga-zar
Amona gau oskarbiz
naukazu begira,
zeru, Aberrira,
an somatzen dut zure
begien dizdira.
Igaroan gau beltzak
utziko balira,
nai dut illunpetatik
atera argira,
zuk eta nik idatzi
deikegun kondaira.
zuk eta nik idatzi
deikegun kondaira.
Baserri eder artan
ziñan erregiña,
txukun da apaña,
buruan tolestatuz
ille txuri fiña.
Eunezko oial luze
zeorrek egiña,
aurreko mantai beltxa
txanbraren berdiña,
aingeru denen «Ama»
izateko diña.
aiugeru denen «Ama»
izateko diña.
Goizean jaiki eta
lenengo otoitzak,
biotzaren printzak,
Zeru bidean bustiz
maitasun goi-intzak.
Mesedeak eskertuz
orra oparitzat,
eskeñi eguneko
neke ta egintzak,
ola agurtzen zendun
goiz berri bakoitza.
ola agurtzen zendun
goi berri bakoitza.
Zure betiko kezka
sendiko ogiya,
ez al da egiya?
Baserriko altere
zendun ogi-maya.
Irin zayak bereiztu
arturikan baiya,
leami, gatz, ur-epel
egin ogi-gaya,
atsedentzen utziaz
oialezko oyan...
atsedentzen utziaz
oialezko oyen...
Gonatatik zintzilik
txikia izaki,
ta milla aitzaki,
beti zure gertuan
ibiltzen nintzan ni.
Biok aurkitzen gindun
ta neurrin ebaki,
urritz arbasta batzu
lau pago-printzaki,
labea berotzeko
polliki polliki.
labea berotzeko
polliki polliki.
Suaren errekiñak
baztertu ta gero,
labea prest dago,
ogi-gai masa ura
zatitu aguro.
Arraultzaren gorringoz
igurtzi oparo,
labean sartu eta
aldi bat itxaro,
nola erretzen ziran
ikusitzen nago.
nola erretzen ziran
ikusitzen nago.
Ataka iriki ta
ikusi bearrez,
egin ote amets?
ogi txiki bat dago
beste danan aurrez.
Ba-dirudi opillak
margotua urrez,
Amona au zeñentzat?
ta zuk irriparrez,
zuretzat bildutako
galburuen ordez.
zuretzat bildutako
galburuen ordez.
Agur opil-gai izan
ziñan galburua,
urrun aldendua,
belardi ikusi dut
zu ziñan sorua.
Labe zarra or zaude
erabat lur-joa,
Amona nekatua,
juan ziñan zerua,
zueri zor dizuet
nere aurtzaroa.
zueri zor dizuet
nere aurtzaroa.
«Amona» billobaren
sentimen umilla,
zugana dedilla,
naimen soroan nabil
galburuen billa.
Biotzaren errotak
igotze ixilla,
buruak bereiztu dit
irin-txuri pilla,
zuretzat egin nezan
Olerki opilla.
zuretzat egin nezan
Olerki opilla.
|
|
