Uyolak

Anjel Bidaguren

Euzkadi osoan jaya zan, lanaren sari;

bideak betean egi ta argi barriak,

—amets gozo, itxaro ta pozaren kantari—

ertzetara baztertuz itunaren arriak.

Bat-batean, Apokalipsia da agiri;

edoietako zaldun bako zaldi gorriak

birao eta lerdea daroe ixuri,

lauoinka erotuan, etenik lokarriak.

Atzoko ur bare, onuraz bete, gardenak,

gaur naspil zikin, lerde ta birao, uyolak.

Etsipen larriekin ganezka erretenak.

Burrundadan, amil izerdi ta odolak,

ur loien lo-lekura gure itxaropenak,

biribilketa baltz onen azken atabalak.