Jose Etxebarrieta zanaren gomutaz

Gorozika'ko eleizan

E.'tar Balendin

Gazte ta sendo frutu emoille,

Lerden genduan zugatza

Uste gaberik aizkora beltzak

Suztarra ebagi dautsa,

Ondiñokarren bearreko zan

Herrian orren laguntza

Herri esnale izango alda

Gazte onen eriotza.

Herriarentzat anai bat galdu

Herri zalien mingarri;

Bere emaitzak agortu dira,

Malkoak dira iturri.

Eta etsaiak malkoen ordez

Hillobi gainian irri,

Hilarri ori'izango al da

Berbizkundien oinarri.

Josen illetan bere etsaiak

Min asko gabe esan du,

Eitekuak egin ditula

Betiko dala ixildu;

Baina egintzak herrien dabiz

Inok ezin leikez kendu,

Naiz ta gorputza lurrak iruntsi

Anima ezin zapaldu.

Illunpe batek iruntsi gaitu

Saminez biotzak oztu,

Gure saminen ordaingarritzat

Etsaien barrenak poztu,

Ez da erreza illundu iakun

Argia egiten piztu.

Josek aldeztu eban herria

EUSKADI dala ez aztu.