L I T E R A T U R   A L D I Z K A R I E N
G O R D A I L U A

 

 
 

                   - Literatur Aldizkarien Gordailua
                   - Olerti aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Olerti 1984 (1987) —Hurrengo artikulua







 

 

Zentral nuklearrak

 

Jose Antonio Gesalaga «Zaldubi»

 

Aurreakuntzak ekarri digu

nuklearren aukera,

petrolioa ez baita inun

arkitzen orain sobera,

hori dela ta sortuak dauzka

hainbeste gora-behera,

batzuek aurka burrukatuta

besteek bere aldera,

arazo honi ez da erreza

hartzea inork tankera.

 

Iberduerok diruagatik

zentrala jarri nahi digu,

diru erreza izanen dela

denok ederki dakigu,

bainan zentrala hasi orduko

kutsadura datorkigu,

horixegatik gure barnera

beldurrak sartzen zaizkigu,

Euskal Herria ondamenera

ixilik daramakigu.

 

Hemendik sortzen den kutsadura

ez du ezerk garbituko,

eta luzaro eguzki berak

ez du berdin argituko,

askoz gehiago osasun gabe

gaiso dira geldituko,

jaio berritan berriz eznormal

umeak ugarituko,

ta hau jakinik nik ez dut inoiz

zentralik defendatuko.

 

Dirua nahita ez ote dira

burutik hoiek arindu?

hari guztiak jakin ondoren

neronen bihotzak min du,

gaitz honetatik Euskal Herria

nahi nuke benetan zaindu,

geure eskutan ez dago eta

ezin diegu agindu,

nahiz eta gure sentimenduak

hori delata sumindu.

 

Aurrerakuntza egokia da

kalterik ez den denean,

argi indarra gora daiteke

erarik hoberenean,

bainan inolaz ez dut onartzen

hilketa dakarrenean,

ta gutiago kutsadura hau

betirako duenean,

inongo diruk nola ordaindu

bizitza hilda denean?

 

Diru pixka bat lortzeagatik

kaltea da gehiegia,

Euskal Herria bihur nahi dute

kutsaduraz hiltegia,

jakin nahi nuke ea ote den

gauza hori zilegia,

herria berak ager dezala

honetaz ikuspegia,

bakarrik hala jakinen dugu

arazo hontaz egia.

 



Literatur Aldizkarien Gordailua Susa argitaletxearen egitasmoa da.