Urrezko eztaiak

Usarraga-zar

Izeba zure baimenarekin

nai dut zerbait kontatzia,

nik osabari bertsoz nai diot

dudan zorra ordaintzia.

Egun bat bedik opa nai dizut

abesti kutsuz jantzia,

ez dit inporta naiz emen ustu,

edo ta bertan urtzia,

zure bertsozko iturritikan

bete zitzaidan ontzia.

Zenbat neke ta zenbat naigabe

bide luze ta latzean,

negar malkoak, irripar denak

gelditzen dira atzean.

Orrenbeste poz bear zenduten

bizitzaren arratsean,

nik esker auek jaulki nai ditut

Usurbillen biotzean,

neu zoriontzen nauzutelako

auek zoriondutzean.

Larogei urtez ornitutako

osaba auen aurrean,

txapela erantzi ta buru makur

nago esan bearrean.

Bizitza dana guregatikan

jardun zerate lanean,

guri euskeraz erakutsiaz

eusko lurraren gañean,

eskerrik asko osaba izebak

illobaren izenean.