Askatasun unea

Luis Arostegi

Kanta, euri, leun ganean,

kanta zuk, aize,

eta pagoai irribarre eragin,

ardiak ira artean mantzo

jan edo begitu dagiela.

Kanta askatasun une au,

une bat baiño ez da-eta.

Kanta ez dan askatasun au,

ederregia litzake-ta.

Kanta susmau bakarrik

egiten dogun askatasuna,

beti gerorantz itxaron

eta esan barik billatu

egiten dogun askatasuna.

Kaltebako lagun onak,

adiskidetsu zagoze inguruan.

Ez daustazue berbarik egiten,

zuzmur ta doiñua bakarrik

ixiltasun narean.

Zabalik dagoan geroa

ederra da, ta bera bakarrik ederra,

orain lagun tolesgabe artean

susmau bakarrik daikegu baiña.

Gizon atsekabetuarentzat

une au gozoagoa da, begiak ia jaso gabe

esker onez artzen dan une garbia.