L I T E R A T U R   A L D I Z K A R I E N
G O R D A I L U A

 

 
 

                   - Literatur Aldizkarien Gordailua
                   - Olerti aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Olerti 1985-1986 (1988) —Hurrengo artikulua







 

 

Kopin ausia

 

A. Bidaguren

 

Aserre ugelen zapladakin

zibilkidaz astindu gurarik.

Zergatik, Jauna, dozu aldegin

gure bion maite-egonetik?

 

Beti izan dot zure alboan

amodio lurrunen gozoa.

Zergatik, ba gaur, nire lepoan

ain gogorra zigor-erasoa?

 

Atzo, bai Jauna, Zuk baninduzun

Zeure begien kilikilia.

Zergatik, baña, zergatik,

egun dizdira guztien itzalia?

 

Len, egunek luzea altzoka;

gaur, zer Jauna? sastada lakarrak,

aize latzak ditut azur-joka.

Gauak dakardaz izu-aztarrak.

 

Il bion arteko maitemiña?

Sakonetik darizu aserre.

Ba dakit zer dan bizien miña,

amets larrosak dituna erre.

 

Orain dakit zer dan poza.

Zu galtzea dakarren itunak

darakust nire sentsunik eza.

Aro galduek maixu onenak.

 

Gogorregi ez Zure zigorrak?

Erdibi deustazu bekokia.

Iñoiz maiteko ez nauzun bildurrak

erdibiago naizen guztia.

 

Betiko urte betedun Ori,

ume biurri bat ete zara

nire azur lokakin jostari?

Orrela bada, jarrai algara.

 

Baña, Jauna, kopin apurtu au

ez, arren, ezerezera baster.

Zugaz ezkero, jolas gura dau,

naiz zilborretik serrautsak ager.

 

OARRA. Olerkitxo au ZER'era bialdu neban, baña, ez dakit zer dala ta, iru azkeneko estrofak baño etziren agertu.

 



Literatur Aldizkarien Gordailua Susa argitaletxearen egitasmoa da.