Landara onetik frutu ona

Legor

Landara sorreratik zuzena,

Laket-eusle bearrik ez.

Lerden, gogor, ezetsu, ausarta

kozkonduz gorputz-biotzez.

Kimu barri ioritan oparo,

frutuen itxaropenez.

Kristo antzo santutasun, adin,

jakiturian elduez.

Lotua, baiña guztiz librea,

—kontraesana itzetan—;

Lokarri bigun, ikuseziña,

funtsa biotz-taupadetan.

Maitetasuna daroa izentzat...

Palau-k dau txiki-txikitan

kimua frutu egin, bereak

ustuz esku-pobreetan.

Landara, gora-gora, luzetuz.

Inguruan naastea;

jauntxokeri, izkanbilla, gorroto

ta pobretasun pobrea.

Aske-lokarriz samurtu gura

ain egoera tristea.

Arazoon osakai, ebatzi

Karmel-Ordenan sartzea.

Beso-eskuak tenk gorantz

eske txiro goseti, moltzoka;

gaixo osagaitz iguingarriz joak

etxe-bazterretan aika.

Frantzizkoren erraiek deadar

gizadi gaizto onen aurka.

Goseti, txiro, gaixo biurtzen

premiatsuen babeska.