Euskararen egoera

Gesalaga

Euskara aurkitzen da

etxean arrotza,

bere gain erorita

epai zorrotza,

dugun berdintasuna

dugu hanka motza,

erderak dena libre,

gureak morrontza,

hau trago mingotsa.

neke eta lotsa,

gaur egun laiotza,

laister heriotza,

BAINA EUSKALDUNA DA

GURE BIHOTZA. (bis)

Hemen bertan sortu zen

Euskal esaldia,

baina larri darama

gaurko aldia,

etxe barrura sartuz

Troiako zaldia,

burrukatzen ari da

gure gizaldia,

guk joko garbia,

haiek pikardia,

akabo sendia,

hau hondamendla...!

ETSAIAK EGIN DIGU

KALTE HANDIA. (bis)

Zazpi adarrak soildu

gainez baztertua,

gure Euskara dago

ia lehertua... B

ere jaiotetxean

dago maiztertua,

eta lehian aritzen

arrut azpertua,

gaur zer eskertua,

jasa atertua,

zerbait suspertua,

eta edertua,

EZ DA INOIZ IZANGO

DESAGERTUA! (bis)

Hala ere eskean

ibiltzea sarri,

niretzat behintzat ez da

oso pozgarri,

agintariak daude

agian elbarri,

eta laguntza onik

ez dute ekarri,

hainbeste lokarri,

dizkigute jarri,

gu beti egarri,

estu eta larri,

EUSKARA BULTZA NAHIRIK

BURU BELARRI (bis).

Sisiforen harria

igo nahi mendira,

eta askotan eman

diogu bira,

nahiz eta gorantz

jaso oso urrutira,

indarrak akituta

berriz behera jira,

gure sokatira,

ezin erretira,

une latzak dira,

baina gogor tira,

EUSKARA HEDATZEKO

EUSKAL HERRIRA!(bis)

Euskaraz mintzatzea

batzuntzat bajeza,

hutsa izango balitz

hain aldrebesa...

Nola bete daiteke

Euskaldun ametsa?

Oraindik Euskarak du

etorkizun beltza:

Batzuek nahi eza,

besteek laineza,

hainbeste promesa,

ta gutxik babesa...

EUSKARA ZABALTZEA

EZ DA ERREZA (bis).

Olerti egunean

hau da euskal jaia,

Manterola goratuz

bete da mahaia,

laguntza ematea

da denen epaia,

eta horra elkartu

jendetza alaia,

heldu da garaia,

egiteko jaia,

ager zure nahia,

lotsatuz etsaia,

TA EUSKALDUN IZATEN

JARRAI BIZKAIA! (bis)