Egia eta zuzentasuna.
Au da gure Jaungoikua

Enbeita'tar Balendin

Biotza goibel amesak haundi

Itxaropena geroko

Geroa, zer da? gero zer dago?

Duda asko bitarteko.

Egi irudiz lorazko itzak

Guzurraren babeseko

Herri xearen gose egarria

Honek ezdauzku aseko

Egintza bidez ikuzten dana

Hori dogu siniztuko.

Guztion aita jainkua dala

Eleisak dauzku aitortzen.

Euskal herriari sinismen ori

Ezda ain erreza kentzen

Bakoitzak daukaz bere eretxiak

Nerea noia agertzen,

Famili baten batzuk aukeran

Beste batzuek sufritzen

Guztion aita da jauna

Zergaitik gozuz banantzen?

Demograsien izenarekin

Kontzentzi bage zigorrez

Herri bat emen sufritzen dago

Menperatua Indarrez.

Eleiztar asko ixilik dagoz

Egia esaten bildurrez.

Ta bitartian gure herria

Juztisi eske negarrez

Hau ikusi ta Jainkoa dala

Sinezten ez dago errez.

Persona bat naz ba dut sentzuna

Ez naz sinezmen bakua

Kontzentzia dut eta honekin

Daukat zeregin naikua.

Siniztuten dut badala norbait

Gu baino goragokua

Ez da gizonak eta diruak

Indarrez sorturikua

Egia eta zuzentasuna

Hau da gure Jaungoikua.

Jaungoikua ta juztisiagaz

Indarrak ez du okerrik

Eta jauntxuen menpetasuna

ez da gaurkua bakarrik.

Lenago ere artuak gera

Emen naikua egurrik,

Lur maite onek eleuke izango

Zapaltzaillien bildurrik

Geure artian ez balegoke

Anai Euskaldun maltzurrik

Belengo izarra agertu bazan

Egia azalduteko,

Herriak ditun eskubideak

Gizonai erakusteko,

Inoren gauzai bakean itxi

Norberena zainduteko.

Guk be badogu eskubidea

Geuria eskatuteko,

Geure lurrian estuntza gabe

Aske bizi izateko.