L I T E R A T U R   A L D I Z K A R I E N
G O R D A I L U A

 

 
 

                   - Orrialde nagusira itzuli
                   - Plazara aldizkaria
                   - Ale honen aurkibidea

                   - Ale honi buruzkoak (azalaren irudia eta fitxa)

Aurreko artikulua— Plazara. 17 zkia. (1991-uda) —Hurrengo artikulua




 

 

—Hitz neurtuak—

 

Denboraren poderioz

 

Gerardo Markuleta

 

 

Erlojuaren kontrako ekintza armatua

 

J. M. Lekuonarentzat

 

Segundu amilduak banan-bana atzeman;

orduen pausu isilen sailkapena egin;

egunen irristoak zehazki zenbatu,

                                            kupida bagerik;

urteen ostraduiz tximisturak ehundu:

         denboraren aurkako klandestinitatea.

 

 

 

 

Etorkizun

 

B. Atxagarentzat

 

Maite-maite dizkiat

geroaldian jokaturiko adizkiak:

maite izango dugu, bidaiatuko,

              libro dateke,

        elkar ikusiko dugu,

                 heriotz.

 

 

 

 

 

Paradisuak eta denborak

 

Ruper Ordorikarentzat

 

                                                Orai presenteko denbora hunetan

                                                                                         Axular

 

Gizakumeok, aintzina,

Urrezko Aro batez

egin ohi genuen amets,

non ez bait zen ez zure ez nererik,

non ez bait zen ez min ez negarrik;

         gizakumeok, gero,

Etorkizun Aro batez

sarri egin genuen amets,

non ez lukeen minak indarrik izango,

non ez legokeen ez zure ez nererik.

         Aro tristea gure hau,

oraiko presenteko denbora

axola zaigun bakarra den honetan,

non negarra zein mina esku betez banatzen den,

non nerea eta zurea muga igaroezina den.

 



Literatur Aldizkarien Gordailua Susa argitaletxearen egitasmoa da.