—Hitz neurtuak—

Juan Ramon Madariaga

Parkeetan bezala

Gezurren artean murgildurik

ematen dizkiot bueltak munduari,

parkeetan bezala, inguratzen naute

uso beltzek, hiriko arratoi hegadunek,

zuhaitz gris makurgaitzek,

eta barnean haragi jana,

irakin egiten du soineko pozoinak

eta noraezean nabil

munduari izen berria ezartzen

parkeetan bezala, euri zaharrez arra bustitzen,

denbora eta espazioa arerio bihurturik,

begiak itzalirik, gaua dukemea.

Gezurretan nabil nola esan jakin barik,

jakin eza hau beste gezurra baita,

baina bitartean munduari josten dizkiot

beste beldurrak, beste anpuluak, beste bakardade bat,

gauero senditzen dudana,

parkeetan bezala.

Ni naiz zure sugea

                                                Galtzen dut identitatea

                                                zure sabelaren esparruan.

                                                                        F. Juaristi

Zure azala, bidea,

ene ezpainak urratzen duena,

eta amaieran, erroa,

ferekaren beroa,

ene lerdea nahastuz, belea,

infinitoaren eremu beltzean

ni naiz zure sugea.

Mendi arrosak

Mendi arrosak aitzinean ditut.

Hare gorrizko ateak zabalduz

baranoaren atomoak irensteko.

Mendi arrosak

hurbilerazo ditzadan

ahoaren gainean

muna kreatzeko.